 |
 |
 |
 |
 |
 |
 |
 |
१६
विश्वेश्वरादिस्तुतिः
नमः श्रीविश्वनाथाय देववंद्यपदाय ते। काशीशाश्वेवतारं मे देवदेव ह्युपादिश।।१।।
मायाधीशं महात्मानं सर्वकारणकारणम्। वन्दे तं माधवं देवं यः काशीं चाधितिष्ठति।।२।।
वन्दे तं धर्मगोप्तारं सर्वगुह्यार्थवेदिनम्। गणदेवं ढुंढिराजं तं महान्तं स्वविघ्नहम्।।३।।
भारं वोढुं स्वभक्तानां यो योगं प्राप्त उत्तमम्। तं सढुंढिं दंडपाणिं वंदे गांगतटस्थितम्।।४।।
भैरवं दंष्ट्रकरालं भक्ताभयकरं भजे। दुष्टदंडं शूलशीर्षधरं वामाध्वचारिणम्।।५।।
श्रीकाशीं पापशमनीं दमनीं दुष्टचेतसः। स्वर्निःश्रेणिं चाविमुक्तपुरीं मर्त्यहितां भजे।।६।।
नमामि चतुराराध्यां सदाsणिम्नस्थितिं गुहाम्। श्रीगंगे भैरवीं दूरिकुरु कल्याणि यातनाम्।।७।।
भवानि रक्षान्नपूर्णे सद्वर्णितगुणेsम्बिके। देवर्षिवंद्यांबुमणिकर्णिकां मोक्षदां भजे।।८।।
इति श्री. प. प. श्रीवासुदेवानन्दसरस्वतीविरचिता विश्वेश्वरादिस्तुतिः संपूर्णा।।
|
|