।।श्रीकृष्णावेणीपञ्चगङ्गास्तोत्रम्।।

शिवा शिवा शिवप्रेष्ठा शिवायास्तु हताशिवा।। सर्वदा शेरते यस्यां सद्गुणाः सर्वदा हि सा।।१।।

नमामि सर्वतोभद्रां सुभद्राश्रयदां नदीम्।। भद्राय सास्तु मे भद्रा सर्वाभद्रहरा वरा।।२।।

स्रोतस्वती भोगवती या सौभाग्यवती सती।। आभोगतायै सा मेsस्तु ख्याता भोगवतीह या।।३।।

कलुषाणीह सर्वाणि या कुंभयति सत्वरम्।। परशक्त्या स्रवन्ती सा भूयात्कुंभी शिवाय मे।।४।।

स्रवन्ती सा हतापाया पापहारिसरस्वती।। पुनातु सा ह्यवाग्वासा पापहन्त्री सरस्वती।।५।।

कृष्णा विष्णुतनुः साक्षान्महापापापहारिणी।। तारिणी दुर्गसंसारात्सा कृष्णा मुक्तयेsस्तु नः।।६।।

 महेश्वरस्वरूपा या कृष्णया सङ्गता नदी।। सा वेणी सकलाघघ्नी तापघ्नी मुक्तयेsस्तु नः।।७।।

कृष्णावेणीपञ्चगङ्गास्तोत्रं सर्वाघहारि यः।। त्रिसंध्यं प्रपठेद्धीमान्स पवित्रो भविष्यति।।८।।

इति श्री. प. प. श्रीवासुदेवानन्दसरस्वतीविरचितं कृष्णावेणीपञ्चगङ्गास्तोत्रं संपूर्णम्।।

Top