२४

श्रीशंकराचार्यस्तुतिः

श्रीमद्भगवत्पूज्यपदेश्वर। वैदिकमार्गस्थापक शंकर।।

शिवावतार श्रीमच्छंकर। किंकर हरहर त्राहि यतीश्वर।।१।।

शिवसद्गुरुगृहावतीर्ण मोहान्तक जनशिक्षक तारक दान्त।

खण्डितपण्डितसंहतिमण्डित। मण्डनपण्डितदुर्मतशान्त।। श्रीमद्भगवत्पूज्यपदेश्वर. ।।२।।

विजितासंगतशास्त्रासंमतसौगतबौद्धादिकराद्धांत।।

प्रस्थानत्रयभाष्यकृदद्वयमतसंस्थापक दृढमतसिद्धान्त।।३।।

वृषभूकमठान्यो दिक्षु मठान्। कृत्वा चतुरस्तत्र चतुरः।।

सुरेश्वरार्यप्रमुखान् चतुरानयोजयद्यो शिष्यांश्चतुरः।।४।।

श्रीमत्परमहंसपरिव्राजकश्रीमच्छंकराचार्यमशोकम्।।

वासुदेवयतिर्भक्त्या नमति। स्तुत्वा यथामति पावितलोकम्।।५।।

इति श्री प. प. श्रीवासुदेवानन्दसरस्वतीविरचिता श्रीशंकराचार्यस्तुतिः संपूर्णा।।