 |
 |
 |
 |
 |
 |
 |
 |
|
४१ पद्यात्मकश्रीरामस्तोत्रम् राममाश्रय राममाश्रय राममाश्रय भद्रदम्। राममाश्रयतां कुतोsपि भवेत्कुदैवमभद्रदम्।।ध्रु०।। यस्य पादसरोजलग्नरजःकणादपि तत्क्षणम्। गौतमर्षिवधूद्धृतिः किल यत्कटाक्षनिरीक्षणम्।। आरवींदु बिभीषणाय सुराज्यमर्पयदाशु तम्। चित्त चिंतय विश्रुतं न च हन्ति कोsपि यदाश्रितम्।।१।। माययापि यदाश्रितस्त्विह कोsपि नो परिभूयते। राममार्तिविराममाश्रय कं यतो ह्यनुभूयते।। यस्य नामवशाच्छिला अपि सिन्धुना हि समुद्धृताः। ते जडा अजडा भवन्ति न किं वदाsत्र समुद्धृताः।।२।। सर्वदैवतकिंशरोsखिलशंकरोsपि हि शंकरः। यस्य नाम विमुक्तिधाम जपत्यकामहितादरः।। वासुदेवसरस्वती यमगायताखिलकामदम्। राममाश्रय तं सतां मतमाशु शाश्वतधामदम्।।३।।
इति श्री प. प. श्रीवासुदेवानन्दसरस्वतीविरचिता श्रीरामस्तुतिः संपूर्णा।।
|