३८

श्रीनृसिंहाष्टकम्

 

यं ध्यायसे स क्व तवास्ति देव इत्युक्त ऊचे पितरं सशस्त्रम्।।

प्रह्लाद आस्तेsखिलगो हरिः स लक्ष्मीनृसिंहोsवतु मां समन्तात्।।१।।

तदा पदाताडयदादिदैत्यः स्तंभो ततोsह्नाय घुरूरुशब्दम्।।

चकार यो लोकभयङ्करं स लक्ष्मीनृसिंहोsवतु मां समन्तात्।।२।।

स्तंभं विनिर्भिद्य विनिर्गतो यो भयङ्कराकार उदस्तमेघः।।

जयानिपातैः स च तुंगकर्णो लक्ष्मीनृसिंहोsवतु मां समन्तात्।।३।।

पंचाननास्यो मनुजाकृतिर्यो भयङ्करस्तीक्ष्णनखायुधोsरिम्।।

धृत्वा निजोर्वोर्विददार सोsसौ लक्ष्मीनृसिंहोsवतु मां समन्तात्।।४।।

वरप्रदोक्तेरविरोधतोsरिं जघान भृत्योक्तमृतं हि कुर्वन्।।

स्रग्वत्तदंत्रं निदधौ स्वकंठे लक्ष्मीनृसिंहोsवतु मां समन्तात्।।५।।

विचित्रदेहोsपि विचित्रकर्मा विचित्रशक्तिः स च केसरीह।।

पापं च तापं विनिवार्य दुःखं लक्ष्मीनृसिंहोsवतु मां समन्तात्।।६।।

प्रह्लादः कृतकृत्योsभूद्यत्कृपालेशतोsमराः।

निष्कंटकं स्वधामापुः श्रीनृसिंहः स पाति माम्।।७।।

दंष्ट्राकरालवदनो रिपूणां भयकृद्भयम्।

इष्टदो हरति स्वस्य वासुदेवः स पातु माम्।।८।।

इति श्री प. प. श्रीवासुदेवानन्दसरस्वतीविरचितं श्रीलक्ष्मीनृसिंहाष्टकं संपूर्णम्।।

  Top