ज्ञानतीर्थस्तोत्रषट्पदी

विशुद्धविज्ञानमहावाक्यार्थालोचनस्रुतम्।। अन्त्यात्माकारवृत्त्यात्मज्ञानतीर्थं पुनातु माम्।।१।।

रागद्वेषमुखात्मगतदोषान्विधूय यत्।। सत्त्वशुद्धिं विधत्तेsन्तर्ज्ञानतीर्थं पुनातु माम्।।२।।

यत्केवलं सजातीयात्मप्रवाहोपबृंहितम्।। उत्पाटयत्यविद्याद्रून्ज्ञानतीर्थं पुनातु माम्।।३।।

श्रद्धावति विसंदेहे तत्परे विजितेन्द्रिये।। उदेति शान्तिदं यत्तज्ज्ञानतीर्थं पुनातु माम्।।४।।

यत्स्वयं योगसंसिद्धे कालेनोदेति निर्मलम्।। पवित्राणां पवित्रं तज्ज्ञानतीर्थं पुनातु माम्।।५।।

हृदयग्रंथिभित्सर्वसंशयच्छिच्च कर्महृत्।। शोकमोहनुदाश्वेतज्ज्ञानतीर्थं पुनातु माम्।।६।।

षट्पदीयं मदीयास्यपद्मे तिष्ठतु सर्वदा।। गुर्वभिन्नेशभक्त्याभज्ञानतीर्थसमाह्वया।।७।।

इति श्री. प. प. श्रीवासुदेवानन्दसरस्वतीविरचितं ज्ञानतीर्थषट्पदीस्तोत्रं संपूर्णम्।।

Top