अमरेश्वरस्तोत्रम्

 कृष्णावेणीतटावास तृष्णाहृत्तुष्टमानस। त्रासहारिमहावीर त्राहि माममरेश्वर।।१।।

आन्ध्रदेशकृतावास चान्तरस्थमहारस। दुःखान्महाशक्तिधर त्राहि माममरेश्वर।।२।।

श्रीधान्यवाटिकाक्षेत्ररंजनानर्थभंजन। जननान्तत्रासहर त्राहि माममरेश्वर।।३।।

नानोत्पातप्रशमन मनःशान्तिदचिन्तन। अधिष्ठितामरपुर त्राहि माममरेश्वर।।४।।

चामुण्डाशक्तिसहित पराजितनिजाहित। हितकारिन् महाधीर त्राहि माममरेश्वर।।५।।

प्रणवेशादिभिः पंचलिंगैस्त्वां सहितं न च। पश्यतां भीररिहर त्राहि माममरेश्वर।।६।।

अमरावत्याधिष्ठानममरारिनिषूदनम्। वन्दे त्वामखिलाधार त्राहि माममरेश्वर।।७।।

सदा ममास्तु योगस्ते त्वदर्थं मेsपि सद्गते। देहोsयं तिष्ठतु हर त्राहि माममरेश्वर।।८।।

प्रसीद पार्वतीजाने न जाने%हं शुभाशुभम्। स्मरामि त्वां स्मरहरे त्राहि माममरेश्वर।।९।।

अपराधान्मानसिकान्कायिकानपि वाचिकान्। क्षमस्व स्वजनाधार त्राहि माममरेश्वर।।१०।।

दोषा अशेषा मम ये ते नश्यन्तु सदाsभये। त्वय्यस्तु हृदयं तार त्राहि माममरेश्वर।।११।।

इति श्री प. प. श्रीवासुदेवानन्दसरस्वतीविरचितं श्रीमदमरेश्वरस्तोत्रं संपूर्णम्।।