 |
 |
 |
 |
 |
 |
 |
 |
|
५० श्रीअन्नपूर्णास्तोत्रम्। * श्री देवि दर्शनीयेंऽशा ऐंद्र्याद्या अंबिके तव।।भव्ये दत्ताऽभये ताभि –हीं बीजे नतानव।।१।। गत्यै मात्रे नमस्तेऽस्तु श्रीं गायै पूर्ण संविदे। वस मे योगिनि स्वांते क्लीं मयेऽर्णेश्वरेश्वरी।।२।। दक्षे सहस्रवक्त्रस्ते न वेत्ति स कलान्गुणान्।। वदेत्कोरिष्टदे सर्वान् मोक्षसंदात्रि ते गुणान्।।३।। धूताद्ये कृपया पाहि भगवत्पूज्य पादुके।। तमः पूष्ण इवाविद्या गतापर्णे तवेक्षणात्।।४।। पतिता उद्धृतास्ते हि वरदे शंकरप्रिये।। दया जन्महरा चेत्ते तिष्ठेद्धि कथमावृतिः।।५।। कस्ते चित्तार्तिहे वेत्ता मान्येऽमरमनोऽतिगे।। मम ज्ञानं कियत्प्राज्ञि हे शंभु प्राणवल्लभे।।६।। लसद्वेदनुते द्वास्थ श्ववद्गणय मामुमे।। भ्रमप्रदार्थवादा येऽरिप्राया वञ्चितोऽस्मि तैः।।७।। मर्त्योऽर्भो य इहांबाया अंके संल्लभतेऽर्थितम्।। रक्षिता कश्च मे ह्यार्ये न तेऽर्भोऽभेददर्शिनि।।८।। वासना मुक्तिकृद्देवि पूर्णविज्ञानदायिनी।। सुखदे नित्यमांगल्येऽर्णेशे ध्यानमुपाविश।।९।। देवा अर्दित शांत्यर्थमलं ते वै त्वदीरिताः।। वासनागंधो मे नास्तु मानादेरार्तिदोऽत्र यः।।१०।। नंदिनी बलिनी ब्राह्मी भिक्षाभाग्यविवर्धिनी।। दयाब्धिरोजस्विनीड्या लक्ष्मीस्त्वं सिद्धिरूपिणी।।११।। सत्येऽस्यंबा कृपां भोऽभिषिञ्चात्र ध्यधिपालके।। रक्ष्यो बालः स्वको मात्रा तत्त्वतोऽर्थं वदामि ते।।१२।। स्वल्पज्ञोऽपि शठोऽदांतो मंदो वाऽभिमतोऽपि वा। तीव्रमाशापरो वाऽयं न चोपेक्षां शिवेऽर्हति।।१३।। भिया न चोक्तवान् शब्दान्देवेड्ये देहि कांक्षितम्।। क्षुच्छांत्यै ज्ञानभिक्षान्नं हितज्ञे हितमर्पय।।१४।। कृपयाऽनस्तमितया देहि ते चरणे रतिम्।। तपोदे सादरं याचे हितं मे पारदे कुरु।।१५।। स्तवे तेंऽग ह्यशक्तं मां स्वान्ते शर्वप्रिये स्मर।। वर्ये वरः स एवार्थ्यो हार्दज्ञेऽतिथिवल्लभे।।१६।।
इति श्री प. प. श्रीवासुदेवानन्दसरस्वतीविरचितम् अन्नपूर्णास्तोत्रं संपूर्णम्।।
|